23.12.16

Árið 2016 var með eindæmum gott þar sem börn og bústofn blómstruðu sem aldrei fyrr.

Hjartans stúlkubarnið okkar hún Sigurlinn fermdist í vor og þar með má hún flauta og drekka kók svona sirka þegar henni sýnist (sjálfsögð réttindi sem fermingarbörn öðlast að mati Ástráðs). 

Síðan komu folöldin og lömbin - hvert á fætur öðru - alltaf jafn einstakur tími í sveitinni, vakin og sofin fylgjumst við með þeim komast á legg. 






auðvitað var riðið út - um leið og fært var riðum við yfir ánna okkar, yfir í næstu hreppa og kringum fjöll og að miðju hálendisins;   afrekuðum að ríða sem sagt í kringum Vörðufell, fara í barnvæna hestaferð inn að Kletti, ríða inn í Arnarfell og síðan fór Ástráður í sína fyrstu fjallferð ásamt með pabba sínum. 



En í lok september stigum við foreldrarnir upp í flugvél ásamt fleiri áhugasömum og skoðuðum fjós, traktora, beljur, geitur, mjólkurhús, munka, haughús, osta og drukkum um það bil heimsins besta bjór á árlegum bjórfestivölum í Bæjaralandi. 



Ástráður Unnar lauk grunnskólagöngu í vor og hóf nám við Menntaskólann á Laugavatni - þar sem honum líkar einstaklega vel.  Hann vann í Búrfelli í sumar við alls kyns gagnleg störf og í jólafríinu sem handlangari við húsbyggingar. 


Sigurlinn er nú í 9. bekk í Flúðaskóla og plummar sig bara nokkuð vel - teiknar og teiknar alla daga - og er skynsamari en flestir aðrir í kringum sig.


Magnús Arngrímur leikur við hvern sinn fingur, er farin að fikra sig áfram á píanóinu en er ekki síður duglegur í skólanum. 


Hrafnkell er alltaf jafn gallvaskur - er vinamargur og þó að foreldrarnir telji sig nokkuð vana að halda barnaafmæli þá slá hann og jafnaldrar hans öllu við með uppátækjum og gleðilátum. 



Kæru vinir og ættingjar nær og fjær - við óskum ykkur gleðilegra jóla og farsæls komandi árs.  Þökkum fyrir allt gamalt og gott - minnum á að það er alltaf heitt á könnunni hér í Skarði og við hlökkum til að sjá ykkur öll hvert og eitt. 

Jólaknús úr í nóttina.
Siggi
Maggi
Vilborg
Ástráður
Sigurlinn
Hrafnkell












23.12.15

Árið 2015

Viðburðaríku ári er nánast að ljúka - ánægjulegu sem endranær. 
Sem áður sit ég hér á Þorláksmessukvöld og reyni mitt besta að semja jólakveðju.  Myndirnar standa alltaf fyrir sínu, segja meira en nokkur orð.

Að venju gerir bóndinn að gammni sínu og glottir við þegar við hlustum á Jeff Foxworthy og Bubba Morthens - að verða gömul hefð hér á bæ eftir skötuát á Þorláksmessu.


Gullin okkar vaxa og dafna.  Ástráður er á sínu síðasta ári í grunnskóla, heldur reglulega tónleika fyrir okkur í stofunni með stórgóðum pianóleik og tekur virkann þátt í bústörfum og sennilega sá eini sem þekkir ættartré sauðfjárstofnsins okkar.


Sigurlinn hóf með haustinu sitt 8. skólaár og nú í Flúðaskóla. Hún er ekki síður dugleg í skólanum en bræður sínir og heldur úti rás á youtube þar sem hún leikur listir sínar á kómískann hátt.
Hún tók virkann þátt í Uppsveitadeild Æskunnar og það er fátt eins skemmtilegt eins og að fara í útreiðartúr með henni á góðum degi ( að öðrum ólöstuðum ).

Magnús er ávallt kátínan uppmáluð og sem áður leikur við hvern sinn fingur, Hann hefur ríkulegan áhuga á Star Wars þessa dagana og heldur okkur hinum upplýstum um gang mála og hvað sé hægt að gera eða breyta á heimilinu til að halda í við þá veröld.  Hann hefur heldur ekki aflétt sínum rannsóknarstörfum á hinum ýmsu hlutum og hefur orðið sér úti um fáeinar (úreltar að annarra mati) tölvur til að halda utanum skráningar sínar - sem áður voru í hinum ýmsu bókum og á snepplum sem lágu um víð og dreif um húsið.

Hrafnkell glottir við og hefur gaman að lífinu. Er barnanna duglegastur við að fara með út í fjós með pabba sínu til að fóðra nautin.  Sterkur karakter sem er óhræddur við að fara sína eigin leið í lífinu.

Að venju fórum við í góðar hestaferðir á árinu - skoðuðum fossa í Fossaferðinnni og fórum með börnin í aðra ferð inn í afréttaskálann Klett.

Sigurður bóndi knúsar Fiðlu sína lang mest og hún fær alltaf sérstakt knús og mola.  Hins vegar fjölgar hrossunum okkar æði mikið og í ár bættust við nokkrir væntanlegir reiðhestar undan Líneik, Litlu-Heklu og Tign.

Og þeir Ofsi, Hildingur og Vígsterkr eiga vonandi eftir að bera okkur um ljúfar reiðgötur í framtíðinni (takið eftir að nöfnin eru öll komin úr Surlungu).


Auðvitað fórum við á fjall og leituðum kinda - Sigurður bóndi og Vörður, Ást og Tara gullmeri fóru meira að segja tvisvar.

Og árin líða - áfram sem farvegur

Við stöndum saman - með gleði og frið í hjarta og von um góða framtíð barnanna okkar til handa.



Megið þið eiga ljúfar stundir um hátíð ljóssins og taka nýju ári fagnandi. 
kær kveðja frá okkur öllum
Vilborg, Sigurður, Ástráður, Sigurlinn, Magnús og Hrafnkell
Skarði




23.12.14

Árið 2014

Komið þið öll margblessuð og sæl

Árið byrjaði í snjó og það endaði í snjó. Ekki svo leiðinlegt fyrir okkur krakkastýrin. 
Við lærum og lesum - leikum og sprellum .. stundum sem við sjálf en stundum sem einhver önnur furðudýr. 
Í apríl fermdist okkar elskulegi sonur og stóri bróðir. Okkur fannst hann vera manna glæsilegastur. 
Maggi varð pínu þreyttur í kirkjunni og var að velta því fyrir sér að leggja sig smá stund en það hafðist nú á endanum að messa og blessa og allir gengu glaðir út í fallegt vorið. 
Hrafnkell hélt uppi stuðinu í hliðarsalnum með frænkum sínum og frændum.
Sigurlinn hin prúða og ljúfa brosti út í annað enda ekki annað hægt í svona stórveislu.
En hún er líka uppátækjasöm og þær blikkuðu saman ljósmyndarann, Sigurlinn og Sigling hennar að loknu góðu reiðnámskeiði. 
Og vorið kom bjart og hlýtt og allir skriðu vel undan vetri. Lömbin og folöldin komu eitt af öðru og eins og alltaf verður maður hugfanginn af þeim. 
Auðvitað var farið í nokkur ferðalög á hestbaki og fáeinar fjallferðir. 

Hreint frábært !
Við gerðum líka svo margt annað skemmtilegt á árinu og við erum endalaust þakklát fyrir stóran hóp af vinum og ættingjum sem við sendum nú okkar allra bestu jólakveðjur !
Vilborg
Siggi
Ástráður
Sigurlinn
Magnús
og 
Hrafnkell

23.12.13

Árið 2013

Komið þið öll marg blessuð og sæl - gaman að sjá ykkur !
Hér í Skarði er að vanda nóg að brasa, við börnin stækkum og sprellum .. djókum og höfum svo gaman af öllu. Ástráður átti sitt þrettánda afmæli á árinu og bauð vinum sínum að vanda heim til sín í kökur og gúmmelaði.
Árið einkenndist af kvikmyndatökuleik og gervum sem mátti nota í þeim tilgangi.
Auðvitað var grímuballið tekið alvarlega svo og mottumarsinn !
Folöldin tóku þetta líka með stæl og léku við hvern sinn fingur.
Maggi bróðir les nú vísindabækur í gríð og erg og rogast með þær í plastpoka hvert sem hann fer
Síðan var farið út í fjöru um páskana með Ástráði afa, þar var margt að sjá.
Um leið og færi gafst, þegar hugsanlega mátti sjá vorið í sjónmáli var farið í vatnsstríð, það fyrsta á árinu en alls ekki það síðasta.
það var nokkuð ljós hver vann og hver varð blautastur...
Síðan rann upp langþráð afmæli Hrafnkels Flóka, LOKSINS orðinn 4ra ára .. eitthvað hélt hann að hann fengi fullt sjálfræði við þann aldur - við vonum eiginlega að það lagist við fimm ára afmælið ...
Loks komu lömbin, þar á meðan Spiderman og Súpermann - þeir fara vel undir tönn þessar mundir, svona er bara lífið í sveitinni og enginn kippir sér nokkuð upp við það.
En alltaf eru þau jafn sæt svona lítil og fjörug fyrir allan peninginn.
Hrafnkell og Siggi Kai kalla hvorn annan ekki með eiginnöfnum, heldur bara ,,vinur".
Og við fórum í ferðalag í Borgarfjörðinn, á Oddstaði og skoðuðum að sjálfsögðu uppáhaldstaðinn hans Ástráðs afa, Jötnabrúarfoss.
Ástráður ásamt bekkjarfélögunum skiluðu verkefni um Sturlungaöld í stuttmynd: HÉR ! :) Skoðið endilega :) Og loksins komu folöldin, fyrstur var Úlfur, sonur Golu og Lóms frá Stuðlum.
Næst kom Askja, dóttir Liltu- Heklu og Krapa frá Selfossi, ósköp ljúfur mömmukoss.
Þriðja í röðinni var Skíma, Tignardóttir og Fláka frá Blesastöðum
En síðan var smá bið eftir þeim síðustu, en Hrafnkell og Sigurlinn voru ekkert að kippa sér upp við það
Og Ástráður sagði frumsamdar sögur með hjálp píanósins og stubbarnir sátu hjá agndofa
Næst síðastur kom Hamfari, sonur Sifjar og Glyms frá Leiðólfsstöðum
Síðasta gullið og gersemið mætti á svæðið í júlí ... með auðsjáanlegt V í enninu ... dóttir Líneikar og Möllers frá Blesastöðum
Börnin í Skarði fóru á berbakt - reiðnámskeið sem allir höfðu gagn og gaman af
Hugrekkið uppmálað
Að sjálfsögðu var mjög reglulega vatnsslagur .. en þegar leðja, mold og drulla var notuð líka ... úff, þá fannst mömmu þetta bara fyndið einu sinni
Og sumarið er ljúft og öll vorum við með bros á vör
Auðvitað fóru pabbi og mamma í hestaferðalag, um fjöllin sem eru í vestri heimanfráséð
Og annað langþráð afmæli rann upp í september þegar Maggi okkar varð 6 ára. Hann er núna byrjaður í skóla, mamma byrjaði líka .. við erum eiginlega öll í skóla ...
Og loksins átti ég afmæli og við Jenný frænka héldum uppá það saman, bræðrum mínum lét sér fátt um finnast og héldu bara áfram að kubba
En kisinn minn, hann Kári varð alveg yfir sig þreyttur á öllum þessum krakkaskara sem kom í heimsókn, það er svo sjaldan sem hann verður svona meðfærilegur, kannski ég ætti að eiga afmæli í hverri viku !
En við óskum ykkur öllum, vinum og frændfólki nær og fjær, gleðilegra jóla og farsæls komandi árs Lopapeysuhjónin, pabbi og mamma hlakka til að sjá ykkur á því nýja !
Jólakveðja Sigurlinn María Skarði